«Жігіттер жеңіспен оралсын». Сабуров Ресей әскерін қолдаған видео жарияланды

Жуырда ғана Ресейге кіруге 50 жылға тиым салынған Нұрлан Сабуров 2025 жылы «Вагнер Истра легионының» жауынгерлеріне 10 мотоцикл жіберген, деп хабарлайды Orda.kz. 

«Вагнер» — Ресейге тиесілі, мемлекеттік емес, заңсыз қарулы ұйым. Жекеменшік әскери компания кәсіпкер Евгений Пригожин тарапынан құрылған.

Бірқатар елдерде террористік ұйым ретінде танылған.

Стендап-комик Сабуров бейнеде Истра қаласында екенін, «игі іс» аясында 10 қуатты эндуро мотоциклін тегін тапсырғанын айтады. 

Бейне Истра муниципалдық округі әкімшілігінің ресми Telegram арнасында жарияланған. 

Сабуров кеше ғана Instagram әлеуметтік желісіндегі барлық жазбаларын толық өшіріп , үндеу жариялады. Онда Сабуров жағдайға қатысты пікір білдіруден бас тартатынын айтты. Ол журналистерден, блогерлерден және БАҚ өкілдерінен жеке өміріне құрметпен қарауды сұрады. Ол туралы шу  ресейлік БАҚ оны  50 жылға Ресейге кіруге салған тыйымды жариялағаннан кейін шықты. 

Оқи отырыңыз:

• Стендап-комик Нұрлан Сабуров елге оралғаннан кейін алғаш рет көпшілік алдында мәлімдеме жасады
• Нұрлан Сабуров Қазақстанға оралды