ҰБТ сертификатымен Малайзия жоғары оқу орындарына түсуге болады

Малайзияның жоғары білім министрлігі ҰБТ сертификатын бакалавриатқа түсу кезінде қабылданатын құжаттар тізіміне енгізіп, ресми түрде мойындады, деп хабарлайды Orda.kz.       

Енді қазақстандық түлектер Малайзия университеттерінің бірқатарына түсу кезінде Foundation даярлық бағдарламасынан міндетті түрде өтпей-ақ ҰБТ сертификатын пайдалана алады.

Сонымен қатар, ағылшын тілінде оқытылатын бағдарламаларға түсу үшін IELTS, TOEFL немесе олардың баламалары арқылы ағылшын тілін меңгеру деңгейін растау талабы бұрынғыдай сақталады.

Әрбір Малайзия университеті ҰБТ бойынша ең төменгі өту балын және қосымша қабылдау талаптарын өз бетінше белгілейтіні атап өтілді.

Талапкерлерге ішкі қабылдау емтихандары, әңгімелесу, портфолионы қарау немесе дайындық курстарынан өту талап етілуі мүмкін.

Оқи отырыңыз:

• Асхат Аймағамбетов түлектер кеші «даңғойлық жәрмеңкесіне» айналғанын айтты
• Әуетакси Алматы әуежайынан Медеуге дейін 10–12 минутта жетеді
• Негізгі тестілеуден бір апта өтпей жатып 86 талапкердің ҰБТ нәтижесі жойылды