Негізгі тестілеуден бір апта өтпей жатып 86 талапкердің ҰБТ нәтижесі жойылды

Қазақстан Республикасының ғылым және жоғары білім министрлігі мәліметінше, тестілеудің алғашқы аптасында 86 талапкердің ҰБТ нәтижесі жойылған, деп хабарлайды Orda.kz.       

Ведомствоның хабарлауынша, қазіргі таңда емтиханды 41 мыңнан астам адам тапсырып үлгерген. Талапкерлердің басым бөлігі тесті қазақ тілінде тапсырса, бір бөлігі орыс тілін таңдаған, ал жүзден сәл астам адам ағылшын тілінде тест тапсырған.

Алғашқы апта қорытындысы бойынша қатысушылардың 57%-ы шекті балл жинай алған. Орташа нәтиже 58 балды құрады, ал ең жоғары көрсеткіш – 138 балл.

Ережені бұзғаны үшін 46 адам тестілеуден шеттетілді. Талапкерлерден смартфондар, микроқұлаққаптар, смарт-көзілдіріктер, шпаргалкалар және басқа да тыйым салынған заттар табылған.

Тағы 40 адам тестілеу кезінде тәртіп бұзғаны үшін аудиториядан шығарылып, олардың нәтижелері бірден жойылды.

Министрлік өкілдері ҰБТ аяқталғаннан кейін де бейнежазбалар 31 қазанға дейін тексерілетінін еске салды. Егер мамандар ереже бұзушылықтарды немесе тыйым салынған құрылғыларды пайдалануды анықтаса, нәтижелер емтихан тапсырылғаннан кейін де күшін жоюы мүмкін.

Еске салсақ, 2 наурызда басталған ҰБТ-ны 6 сәуірге дейін 179 мың талапкер тапсырды. Орташа балл 66-ны болса, ең жоғары нәтиже 140 баллға жеткен. Сол кезде де ереже бұзған 264 талапкердің нәтижесі жойылған болатын.

Оқи отырыңыз:

• Қазақстанда негізгі ҰБТ-2026 басталды
• Қазақстандағы ЖОО-лар бірқатар мамандықтарды қысқарта бастады
• Наурыз ҰБТ: Ереже бұзған 264 талапкердің нәтижесі жойылды