Түркістандық азамат Хасан Қасымбаевты сұрақтың астына алды

Талғардағы 16 жасар Шерзатты дүкеніне келіп бір топ бұзақы өлтіріп кеткелі ел арасында дүрбелең туды. Жұрт арасында «хуторлықтар» деген қылмыстық топ бар екені және оны Хасан, Аслан, Ержан Қасымбаевтар басқарады деген қаңқу сөз тарады. Соған орай Түркістандағы «Ағалық болашақ» ұйымының жетекшісі Талғарға арнайы барып Хасан Қасымбаевтың өзімен жолығыпты. Тікелей эфир ашып, арасында эфирге кіргендерде сұрақтарын қойды, деп хабарлайды Orda.kz.

Онда Хасан Қасымбаев өзінің жеке кәсіппен айналысатынын, Шерзаттың ісіне ешқандай қатысы жоқ екенін, әлеуметтік желіден естігенін айтты. 

«Рысқұлов ауылы, менің атымды әкесі атады. Қатысым жоқ дейді. Мен қылмысқа барған балаларды танымадым. Енді танып жатырмын. 
Қылмыс жасағандар жазасын заңды түрде өтесін деп тілеймін», — деді Хасан Қасымбаев. 

Артынша тікелей эфирге қосылған адамдардың бірі «оның үйін неге өртеп кетеді?» деген сұрақ қойып, ауылдың үлкендері ретінде тиіспе деп неге айтпағандарын сұрады.

«Ол жерде тергеу амалдары жүріп жатыр. Е... Кім өртеді?», — деп сұрады Хасан Қасымбаев.  

Бұл тікелей эфирдің үзік-үзік бейнежазбаларының әлеуметтік желіде таралғандары. Бейнежазбаны түсіріп тұрған ұйым жетекшісі ретінде өзін таныстырған азамат артынша елді провокацияға ермеуге шақырды.

Еске сала кетейік, бұл шудан соң күдікті ретінде кейінірек ұсталғандардың бірінің анасы Қазакенова Лейла бейнеүндеу жасап, баласының оқиға орнында болмағанын айтты. Оның айтуынша БАҚ-та тараған 13 адам деген сөзге бола, адам санын толтыру үшін оның баласы мен досын ұстап әкеткен.

Еске сала кетсек, ІІМ бірінші орынбасары Бауыржан Әленов пен бас прокурор Берік Адамов және тергеу ісін қолға алған Самат Аисов 15 қазан брифинг өткізген. Ұсталғандардың кімдер екенін сол брифингте айтып берген еді. 

Шерзаттың үйі өртенген түні болған бар оқиғаны мына сілтемеден оқыңыз.