Түркиядан Жәнібек хан туралы 1350 жылы жазылған қолжазба жеткізілді 

Түркияның Топкапы сарайынан Жәнібек хан туралы 1350 жылы жазылған қолжазба жеткізілді, деп хабарлайды Orda.kz Qazaqstan ұлттық арнасына сілтеме жасап.

Кеше Астанада «Алтын Орда – дала өркениетінің үлгісі: тарих, археология, мәдениет, бірегейлік» атты халықаралық симпозиумы өтті.

Мемлекет басшысы Қасым-Жомарт Тоқаев симпозиумның ашылу салтанатында сөз сөйледі. Іс-шараға әлемнің 20-дан астам елінен делегация қатысып отыр. Олардың қатарында тарихшы-медиевистер, археологтар, шығыстанушылар, түркітанушылар, моңғолтанушылар, нумизматтар, эпиграфика мамандары, саясаттанушылар, мәдениеттанушылар, өнертанушылар, дипломаттар және халықаралық ұйымдардың өкілдері бар.

Шара Алтын Орда мұрасын зерттеудің өзекті мәселелерін талқылау үшін түрлі елдің жетекші ғалымдарын, археологтарын, тарихшыларын біріктірді.

Осы орайда Қ.А.Яссауи атындағы ХҚТУ Еуразия ғылыми-зерттеу университетінің аға ғылыми қызметкері Өмірбек Қанай «Ақорда» бағдарламасына сұхбат беріпті.

Ғалым Топкапы сарайындағы архивтен табылған екі қолжазба жайлы айтты. Қолжазбаның бірінде Жәнібек хан Алтын Орданы билеген тұста шекараға қатысты тың дерек бар. Ал екінші қолдазба – астрономиялық еңбек.

Жәнібек хан — Қазақ хандығының негізін қалаушылардың бірі және оның 1474-1480 жылдардағы билеушісі.

Оқи отырыңыз:

• Тоқаев: Мәңгілік ел идеясын ту еткен Алтын Орданың тікелей мұрагеріміз
• Қазақстандықтарды Таяу Шығыс елдерінен эвакуациялауға 4 млн доллар жұмсалды
• Иран байытылған уранын АҚШ-қа емес, Ресейге бермекші