Иран байытылған уранын АҚШ-қа емес, Ресейге бермекші

Иран билігі байытылған уранды АҚШ-қа емес, Ресейге беру нұсқасын қарастырып жатқанын мәлімдеді, алайда олардың арнайы шарттары бар, деп хабарлайды  Orda.kz ТАСС агенттігіне сілтеме жасап.

Басылым Al Hadath телеарнасының деректерін келтіреді, онда Иран өз байытылған уранын АҚШ-қа жөнелтудің орнына Ресейге беруге келісетіні көрсетілген. Бұл туралы Тегеран Вашингтонмен қақтығысты реттеу жөніндегі қайта қаралған келісім жобасында айтылған.

Хабарланғандай, Иран пысықтаған құжатта ислам республикасы «белгілі бір шарттармен байытылған уранды АҚШ-тың орнына Ресейге беруге дайын» екені көрсетілген. Алайда нақты қандай шарттар екені туралы ақпарат берілмеген.

Сонымен Иран БАҚ-тарының мәліметінше, Иран соғыс барысында келтірілген шығын үшін АҚШ-тан өтемақы талап етуден бас тартуы мүмкін, бірақ оның орнына Тегеран Вашингтоннан «экономикалық жеңілдік» алуға ұмтылады. 

Сондай-ақ  Al Hadath хабарлауынша, Тегеран «өзінің ядролық бағдарламасына қатысты мәселені Ормуз бұғазы аймағындағы кеме қатынасы мәселелерінен бөлуге» және «оны толық жоюдың орнына ядролық бағдарламасын ұзақ мерзімге тоқтатуға» қол жеткізгісі келеді.

Еске сала кетейік, АҚШ пен Иран бір-бірінің түзетулеріне жауап ретінде қақтығысты реттеу бойынша ұсыныстар алмасуды әі де жалғастырып жатыр. 

Оқи отырыңыз:

• Қазақстан Иранға гуманитарлық көмек жіберді
• АҚШ пен Иран келіссөзді қайта бастау үшін тағы да бір-біріне талап қойды
• Иран АҚШ-пен бейбіт келіссөздер барысында жаңа ұсыныс жолдады