«Тоқаев қолдады»: Елорданың Нұр-Сұлтан атауын өзгертетін заң жобасы енгізілді

Мәжіліс депутаттарының елорданың Нұр-Сұлтан атауын өзгерту туралы ұсынысы Конституциялық заң жобасына енгізілді.

Бұл туралы Қазақстан президентінің баспасөз хатшысы Руслан Желдібай хабарлады.

– Өздеріңіз білетіндей, Парламенттің бір топ депутаты Астананың бұрынғы атауын Қазақстанның елордасына қайтаруды ұсынған болатын. Бұл бастама туралы депутаттар президентті хабардар етті, олар өз кезегінде халықпен кездесулер барысында бірнеше рет айтылған ұсыныстарға, сондай-ақ, референдум кезіндегі азаматтардың көптеген өтініштеріне сүйенді.

Парламентарийлердің ұсынысы мемлекет басшысының келісімімен Конституциялық заң жобасына енгізілген. Бұл ретте Елбасы Н.Ә. Назарбаев Қазақстанның қазіргі мемлекеттілігін нығайтуда және елорданы қалыптастыруда. Сондықтан тұңғыш президенттің атымен аталған басқа да нысандар өз атауларын сақтап қалуы керек, – деді Руслан Желдібай.

Еске салсақ, «Жаңа Қазақстан» депутаттары 7 жылда бір рет президентті сайлайтын норманы енгізу, елорданың бұрынғы атауын қайтару туралы ұсыныс жасаған болатын.