Тоқаев пен Трамп не туралы сөйлесті?

Қасым-Жомарт Тоқаев АҚШ-тың 47-ші президенті болып сайланған Дональд Трамппен телефон арқылы сөйлесті, деп хабарлайды Orda.kz.

Ақорданың хабарлауынша, Қасым-Жомарт Тоқаев Дональд Трампты Америка Құрама Штаттарының Президенті болып сайлануымен құттықтады. Сонымен қатар, қос елдің басшылары сауда, инвестиция салаларында және ядролық қаруды таратпау бағытында стратегиялық серіктестікті дамытуға ниетті екендерін талқылады. Сондай-ақ, Тоқаев күн тәртібіндегі өзекті мәселелер бойынша Қазақстанның ұстанымын жеткізіп, екіжақты ынтымақтастықтың жоғары қарқынын сақтау мақсатында ұдайы байланыста болуға уағдаласты.