Тоқаев әскерге шақыру, ант қабылдау және запасқа шығару рәсімдерінің жаңа тәртібін жариялады

Қазақстанда әскери қызметтің үш негізгі кезеңі жаңа форматта өтеді. Бұл туралы президент Қасым-Жомарт Тоқаев Щучинск қаласында өткен «Айбын» әскери-патриоттық жастар жиынында мәлімдеді, деп хабарлайды Orda.kz.       

Енді әскерге шақыру, әскери ант қабылдау және запасқа шығару рәсімдері мемлекеттік хаттамалық талаптарға сай, салтанатты түрде ұйымдастырылады.

«Әскери қызмет нағыз патриоттарды тәрбиелеудің ең маңызды кезеңіне айналуға тиіс. Осыған байланысты әскери қызметтің үш негізгі кезеңі енді мемлекеттік хаттамалық тәжірибеге сәйкес жаңа форматта, салтанатты жағдайда өтетін болады», – деді президент.

Реформаның негізіне армиялық дәстүрлерді «Адал азамат – Сарбаз – Отан қорғаушы» қағидаты бойынша жаңғырту бастамасы алынған. Мемлекет басшысының айтуынша, жаңа рәсімдер ұрпақтар сабақтастығын нығайтып, жастар мен жалпы қоғам арасында армияның беделін арттыруға ықпал етеді.

Оқи отырыңыз:

• Екі жыл бойы алимент төлемей, 4,7 млн теңге қарыз жинаған тұрғын жазаланды
• Ұлттық футбол құрамасы Талғат Байсуфиновтың орнына жаңа бас бапкер іздеп жатыр
• Алматының Райымбек даңғылындағы BRT жобасының орнына SkyTrain жүйесі іске қосылады