Тоқаев 1 қыркүйекте Қазақстан халқына үндеу жолдайды

Күздің алғашқы күні ел президенті Қасым-Жомарт Тоқаев Қазақстан халқына кезекті жолдауын жолдайды.

Бұл туралы Тоқаевтың баспасөз хатшысы Берік Уәли Facebook желісіндегі парақшасында хабарлады.

— 1 қыркүйекте, сағат 11:00-де мемлекет басшысы Қасым-Жомарт Тоқаев екі палатаның бірлескен отырысында Қазақстан халқына жыл сайынғы жолдауын жолдайды. Жолдауда президент алдағы кезеңге елдің әлеуметтік-экономикалық дамуының басым мақсаттарын жариялайды,-деді Уәли.

Берік Уәли мұндай жолдаулар президенттің тәжірибесінде жыл сайын болатындығын айтты.

Естеріңізге сала кетейік, бүгін Тоқаев қазақстандықтарды Конституция күнімен құттықтады.