Тим Кук Apple компаниясының бас директоры қызметінен кетеді

65 жастағы Кук компанияның директорлар кеңесінің төрағасы қызметіне ауысып, АҚШ билігімен қарым-қатынасты қадағалауды жалғастырады, деп хабарлайды Orda.kz DW агенттігіне сілтеме жасап. 

1 қыркүйектен бастап Apple компаниясының CEO қызметін аппараттық инженерия бағытының жетекшісі Джон Тернус атқарады. Бұл мәлімет компанияның баспасөз хабарламасында айтылды. 

Кук компанияның мемлекетпен байланысын әрі қарай да бақылауда ұстайды. Атап айтқанда, ол Apple-дің АҚШ президенті Дональд Трамп-пен өзара іс-қимылына жауап береді.

Кук компанияны 2011 жылы Стив Джобс қызметінен кеткеннен кейін басқарған. Оның басшылығымен Apple Watch, AirPods, Apple Vision Pro сияқты өнімдер, сондай-ақ iCloud, Apple Pay, Apple TV және Apple Music қызметтері іске қосылды.

50 жастағы Тернус Apple компаниясында 2001 жылдан бері жұмыс істейді және қазіргі уақытта аппараттық әзірлеме бойынша вице-президент қызметін атқарады.

Оқи отырыңыз: 

• Астанада төрт тонна қауіпті сұйықтық құйылған 200 канистр табылды
• Мұхтар Шаханов қайда жерленетіні белгілі болды
• Қазақтың біртуар өршіл ақыны Мұхтар Шахановпен қоштасу рәсімі өтіп жатыр