Астанада төрт тонна қауіпті сұйықтық құйылған 200 канистр табылды

Астанада жедел-іздестіру және арнайы іс-шаралар барысында полиция қауіпті зат салынған 200 канистрадан тұратын жасырын қойманы анықтады, деп хабарлайды Orda.kz ІІМ-нің Polisia.kz порталына сілтеме жасап.

ІІМ мәліметінше, жүргізілген жедел-іздестіру шаралары нәтижесінде Астанадағы гараж кооперативтерінің бірінен жалпы салмағы 4 тонна болатын 200 канистр табылған. Олардың ішінде синтетикалық есірткі өндіруге арналған прекурсорлар болған.

Жалпы, жыл басынан бері ресми статистикалық деректерге сәйкес, заңсыз айналымнан 11 тоннадан астам прекурсор тәркіленген. Мамандардың бағалауынша, осы заттардан бір жарым тоннаға дейін синтетикалық есірткі дайындау жоспарланған.

ІІМ 1 қаңтардан бастап прекурсорлардың заңсыз айналымы үшін Қылмыстық кодекстің 301-бабы бойынша қылмыстық жауапкершілік енгізілгенін еске салды. Бұл бап 15 жылға дейін бас бостандығынан айыру жазасын қарастырады.

«Есірткі өндірісін ұйымдастыру мен таратудың кез келген әрекеттері қолданыстағы заңнама аясында қатаң және жүйелі түрде тоқтатылады», — деп атап өтті ІІМ.            

Оқи отырыңыз:

•  Мысығын бір сағат бойы кір машинасында «жуған» әйел жазаланды  
• Алматыда бұрынғы полиция шенділеріне есірткі сатушыларға «қорған болды» деген айып тағылып, 12 адамға қатысты сот ісі басталды
• Нұрайдың шағымын елемеген полиция қызметкерлеріне қатысты қылмыстық іс қозғалды