Таразда түрмеге жасырын камерасы бар көзілдірік өткізбек болған

Тараз қаласындағы колонияға қарапайым көзілдірік түрінде жасырылған камераны заңсыз алып өтпек болған әрекет анықталды, деп хабарлайды Orda.kz.       

19 маусым күні Тараз қаласындағы №59 мекеме қызметкерлері ВЧ-5513 әскери бөлімінің бақылау-өткізу тобының жеке құрамымен бірлесіп, қысқа мерзімді кездесуге келген азаматтың жеке заттарына тексеру жүргізген.

Тексеру барысында келушінің жеке заттары арасынан мекеме аумағына алып кіруге тыйым салынған техникалық құрылғы табылды. Аталған зат сырт көзге қарапайым қара көзілдірікке ұқсас болғанымен, шын мәнінде жасырын аудио және бейнежазба жасауға арналған құрал екені анықталған.

Полиция мәліметінше, тексеру басталар алдында азаматқа заң талаптарына сәйкес тыйым салынған заттарды өз еркімен тапсыру қажеттігі түсіндірілген. Алайда ол бұл талапты орындамаған.

Құқық қорғау органдары мұндай заңсыз әрекеттердің жолын кесу мақсатында бақылау шараларын күшейтіп жатқанын атап өтті.

Оқи отырыңыз:

• Ақтөбеде автогаз құю бекетінде көлік өртеніп, екі жасөспірім мен бір ересек адам тірідей жанып кетті
• Әлем чемпионатында Бразилия құрамасы Гаитиді ойсырата жеңді — есеп: 3:0
• Гашиш контрабандасымен айналысып, қашып жүрген әйел Қырғызстаннан экстрадицияланды