Ақтөбеде автогаз құю бекетінде көлік өртеніп, екі жасөспірім мен бір ересек адам тірідей жанып кетті

Ақтөбе қаласында Бөгенбай батыр көшесіндегі автогаз құю станциясының аумағында 19 маусымға қараған түні автокөлік өртенді, деп хабарлайды Orda.kz.

112 пультіне шақыру 22:55-те түскен. Оқиға орнына ТЖД бөлімшелері жоғары дәрежелі шақырту бойынша жіберілді.

Өрт туралы хабар түскеннен кейін 8 минуттан соң, сағат 23:03-те толық сөндірілді. Өрт сөндірушілер жалынның автогаз құю станциясының нысандарына таралуына жол бермеді.

Өртті сөндіру кезінде көлік салонынан үш адамның мәйіті табылды, олардың екеуі — кәмелетке толмағандар.

Тағы бір адам зардап шегіп, Ақтөбедегі №1 көпсалалы қалалық ауруханаға жеткізілді. Ер адамның денесінің жоғарғы бөлігі күйіп қалғаны белгілі.

«1972 жылы туған науқас жансақтау бөлімінде, есін біледі. Толық көлемде қажетті ем қабылдап жатыр, дәрігерлердің тұрақты бақылауында»,  деп хабарлады облыстық денсаулық сақтау басқармасы. 

Өртті сөндіруге ТЖД-ның 50-ге жуық қызметкері, оның ішінде жедел-құтқару жасағы мен Апаттар медицинасы орталығының мамандары, сондай-ақ 10-нан астам техника жұмылдырылды.

19 маусым күні кешке Ақтөбеде автогаз құю станциясының аумағында көлік өртеніп кетті. Өрт сөндірушілер өртті 8 минут ішінде сөндіріп, жарылыс пен жалынның таралуына жол бермеді.

Көлік салонынан үш адамның денесі табылды, олардың екеуі - балалар. Тағы бір зардап шегуші ауруханаға жеткізілді.

Өрттің шығу себептері анықталып жатыр.