«Сүйісейік» деп тиіскен: Мас ер адам автобуста қыздардың мазасын алды

Алматыда қоғамдық көлікте мас ер адамның жолаушы қыздарға тиісіп, орынсыз әрекет жасаған видеосы тарады, деп хабарлайды Orda.kz.

Алматыда мас ер адам автобуста қыздарға тиіскен. Оқиғаға куә болған жолаушылардың бірі ер адамға ескерту жасауға мәжбүр болған. Қыздардың мазасын алғаны түсірілген видео әлеуметтік желіде тарады. Видео авторының айтуынша, ер адам оған жақындап, орынсыз әрекет жасап, сүйіспекші болған. Қыз бірнеше мәрте одан алыстап, басқа орынға отыруын талап еткеніне қарамастан, ер адам мазалауын тоқтатпаған.

Кейін ол басқа жолаушы қызға жақындап, рұқсатсыз сөмкесін оның тізесіне қойған. Жағдайды байқаған жолаушылардың бірі араласып, ер адамнан қыздардан алыстап, бос орынға отыруын талап еткен. Тіпті біреуіне ер адам «сүйісейік» деп айтқан.

Алматы полиция департаменті аталған оқиғаға қатысты тексеру басталғанын мәлімдеді.

Оқи отырыңыз:

Ұлттық банк жаңа 500 теңгелік банкнотты көрсетті

Әл-Фарабидегі апат: Күдікті заңға сай жаза алуға дайын екенін айтты

Мұхтар Ербаянның жағдайы күрт нашарлап жансақтау бөліміне түсті