Сұраныс өскен сауда көзі: Mercedes-Benz әскери техника өндірісін бастауы мүмкін

Неміс автоконцерні Mercedes басшылығы қару-жарақ өндірісі нарығына шығу мүмкіндігін қарастырып отыр, деп  Orda.kz Deutsche Welle-ге сілтеме жасап хабарлайды.

Дегенмен автоконцерн басшысы Ола Каллениус компанияның негізгі өнімі бұрынғыдай азаматтық автомобильдер болып қала беретінін  мәлімдеді.

Мәліметке сәйкес, мұндай шешім жаһандық қауіпсіздік саласындағы қауіп-қатерлердің артуына байланысты қабылдануы мүмкін. Бұл туралы компания директоры The Wall Street Journal газетіне берген сұхбатында айтқан.

«Әлем бұрынғыдан да болжауға келмейтін орынға айналды, және менің ойымша, Еуропаға қорғаныс әлеуетін күшейту қажет екені анық. Егер біз бұл үдеріске оң үлес қоса алсақ, біз соған дайынбыз», – деді Каллениус. 

Топ-менеджердің айтуынша, концерннің қару-жарақ саласына шығуы «экономикалық тұрғыдан тиімді» болған жағдайда ғана мүмкін.

Сондай-ақ сәуір айында БАҚ-та Volkswagen израильдік Rafael Advanced Defense Systems компаниясымен ықтимал ынтымақтастық жөнінде келіссөздер жүргізіп жатқаны туралы ақпарат тараған.

Әскери қақтығыстар барынша сенімділік пен қуатты талап ететін жағдайда, Mercedes инновацияларды үнемдемеуге шешім қабылдаған сияқты

Мәселен Special Trucks бөлімшесі әзірлеген мына тартқыш ауыр жүктерді тасымалдауға арналған, ол ұрыс алаңында логистикалық міндеттерді тез және тиімді шешуге мүмкіндік береді. 

Олар былтыр IDEX (International Defence Exhibition) Абу-Дабиде (БАӘ) екі жылда бір рет өтетін әлемдегі ең ірі және маңызды қару-жарақ пен қорғаныс технологияларының халықаралық көрмесінде осындай көліктерін  көрсетті.

Оқи отырыңыз:

• Африкада Эбола вирусы өршіп, 80 адам қаза болды
• Си Цзиньпиннің шақыруымен Владимир Путин 19–20 мамыр күндері Қытайға ресми сапармен барады
• Қазақстанда Түріктің барлау жүргізіп, соққы жасайтын «ANKA» дрондары жасалады