Африкада Эбола вирусы өршіп, 80 адам қаза болды

Африкада Эбола вирусының жаңа өршуі тіркеліп, кемінде 80 адам қайтыс болды. Ауру ошағы Итури провинциясы аумағында пайда болды. Қазірдің өзінде шамамен 246 ықтимал жұқтыру жағдайы тіркеліп, 80 өлім дерегі анықталған. Тексерілген 20 сынаманың 13-інен Эбола вирусы табылғанын  Orda.kz хабарлайды.

Африка ауруларды бақылау және алдын алу орталығы инфекцияның таралу қаупі жоғары екенін мәлімдеді. Бұған халықтың қарқынды көші-қоны, зардап шеккен аймақтардағы тұрақсыз жағдай, олардың Уганда мен Оңтүстік Суданға жақын орналасуы және инфекцияның алдын алу мен бақылауға қатысты қиындықтар себеп болып отыр.

Эбола вирусы алғаш рет 1976 жылы тіркелген. Індет Нзара және Ямбуку елді мекендерінде байқалған. Соңғысы Эбола өзенінің маңында орналасқандықтан, ауру осы өзеннің атымен аталған.

Вирустың табиғи тасымалдаушылары ретінде жемісқор жарқанаттар саналады. Адам жұқтырған жануарлардың қаны, ағзалары немесе басқа биологиялық сұйықтықтар арқылы жұқтыруы мүмкін.

Адамнан адамға вирус науқастың қаны және басқа биологиялық сұйықтықтар, сондай-ақ солармен ластанған заттар арқылы беріледі. Адам тек симптомдар пайда болғаннан кейін ғана жұқтырады.

Инкубациялық кезеңі 2 күннен 21 күнге дейін созылады. Ауру кенеттен басталып, дене қызуының көтерілуі, әлсіздік, бұлшықет пен бас ауруы, тамақтың ауыруымен сипатталады. Кейін құсу, диарея, іштің ауыруы, бөртпе, бауыр мен бүйрек қызметінің бұзылуы байқалуы мүмкін.

Ауру жұқтарғандардың шамамен 50 пайызы тірі қалмайды. Мамандар қазіргі жағдайды мұқият бақылап, індеттің кең таралуына жол бермеу үшін шұғыл шаралар қабылдауда.

Африкалық ауруларды бақылау және алдын алу орталықтары (Africa CDC) трансшекаралық қадағалауды күшейту үшін ҚДР, Уганда, Оңтүстік Судан және жаһандық серіктестердің қатысуымен шұғыл кеңес шақырып жатқанын мәлімдеді.

Алдын ала нәтижелер бұрын тіркелген «заир» штаммынан ерекшеленетін вирус штаммының болғанын көрсетеді, оған қарсы негізінен қолданыстағы емдеу әдістері мен вакциналар әзірленген.

Оқи отырыңыз:

• Хантавирус ошағына айналған лайнердегі жолаушылар өз елдеріне тарады
• ДДСҰ басшысы хантавирус өршіген кемені эвакуациялауды жеке бақылайды
• Кәмелетке толмаған төрт жасөспірім терроризм туралы жалған хабарлама үшін ұсталды