Си Цзиньпиннің шақыруымен Владимир Путин 19–20 мамыр күндері Қытайға ресми сапармен барады

Владимир Путин 19–20 мамыр күндері Қытай Халық Республикасына ресми сапармен барады, деп хабарлайды Orda.kz.       

Кремльдің баспасөз қызметінің хабарлауынша, бұл сапар Си Цзиньпиннің шақыруымен жүзеге асады.

Сапар барысында екі ел басшылары Мәскеу мен Бейжің арасындағы стратегиялық серіктестікті, сондай-ақ халықаралық күн тәртібіндегі өзекті мәселелерді талқылайды. Келіссөз қорытындысы бойынша бірлескен мәлімдеме мен бірқатар құжаттарға қол қою жоспарланған.

Сонымен қатар, Путин мен Си Ресей мен Қытайдағы Білім жылының ашылу салтанатына қатысады.

Сапар аясында Ресей президенті Қытай Мемлекеттік кеңесінің премьері Ли Цянмен де кездесу өткізеді.

Еске салсақ, былтыр Ресей мен Қытай көшбасшылары Владимир Путин мен Си Цзиньпин Бейжіңде екіжақты келіссөз өткізген болатын.

Бұған дейін Бейжіңдегі Халықтық жиналыстар үйінде Ресей, Қытай және Моңғолия көшбасшыларының үшжақты кездесуі өткен болатын. Бұл осындай құрамдағы жетінші көшбасшылар саммиті, дәл осындай  форматта 2022 жылы жиналған болатын.

Оқи отырыңыз:

• Трамптың Қытайға сапары «мұзды жібіту» әрекеті деп бағаланды
• Қазақстанда Түріктің барлау жүргізіп, соққы жасайтын «ANKA» дрондары жасалады
• АҚШ Иранның қақтығысты реттеу жөніндегі 14 тармақты жоспарын қабылдамады