Стати Мәсімовтың қылмыстық әрекеттерін әшкерелеу үшін сотқа шағым түсірді

Бизнесмендер Анатолий мен Габриэль Стати Қазақстанның бұрынғы әділет министрі Марат Бекетаевқа, бұрынғы премьер-министр Кәрім Мәсімовке және бірқатар тұлғаларға қарсы іс бойынша АҚШ-тың Нью-Йорк оңтүстік округтік сотына The Clearing House Payments Company LLC-ге қарсы шағым түсірді.

OffshoreAlert веб-сайтындағы хабарламаға сәйкес, сотқа шағым 2022 жылдың 22 қарашасында берілген. Қазақстанның бұрынғы жоғары лауазымды шенеуніктеріне «қызмет бабын асыра пайдаланды және бопсалады» деген айып тағылып отыр.

Жаңа талап – «ҚазМұнайГаз» мемлекеттік компаниясына заңсыз мемлекет меншігіне өткен Боранкөл мен Толқын кен орындары, сондай-ақ Қазақстандағы Табыл блогы бойынша Стати мен Қазақстан арасындағы халықаралық соттардағы ұзаққа созылған тартыстың келесі қадамы.

Молдавиялық кәсіпкерлердің айтуынша, 2010 жылы рейдерлік басып алу ойдан шығарылған айыптар аясында тағылған.

Сонау 2013 жылы Стокгольмдегі Халықаралық арбитраждық сот Статидің жағына шығып, молдовалық кәсіпкерлерге 500 млн доллар өтемақы төлеуге шешім шығарғанымен, Қазақстан өтемақы төлеуді 10 жылға жуық кешіктіріп келеді.