Си Цзиньпин мен Путиннің Бейжіңдегі кездесуі басталды

Ресей президенті сәрсенбі күні Бейжіңде ҚХР төрағасы Си Цзиньпинмен келіссөздер жүргізеді, деп хабарлайды Orda.kz.        

Владимир Путин екі елдің түстерімен безендірілген Тяньаньмэнь алаңына келіп жетті. Онда оны әскери оркестр мен қытайлық әскери қызметкерлердің салтанатты сапы қарсы алды, сондай-ақ қолдарына Қытай мен Ресей туларын ұстаған балалар күтіп тұрды.

Бұл — Путиннің 2026 жылғы алғашқы шетелдік сапары.

Си Бейжіңде Путинмен АҚШ президенті Дональд Трамп Қытайға ресми сапармен келгеннен бір апта өткен соң кездесіп отыр.

Ресей президенті Владимир Путинді Бейжіңде салтанатты түрде қарсы алды. Тяньаньмэнь алаңында ресейлік көшбасшы ҚХР төрағасы Си Цзиньпинмен қол алысты. Салтанатты рәсімнің алғашқы кадрлары жарияланды.

Осы кездесумен Владимир Путиннің сапар бағдарламасы басталды. Қытай төрағасы Ресей президентін қарсы алып, кейін екі ел басшылары өз делегация мүшелерін таныстырды.

Ресми қарсы алу рәсімі аяқталған соң Путин мен Си Цзиньпин бірлескен суретке түседі, одан кейін келіссөздер басталады. Келіссөздердің басты тақырыбы – Мәскеу мен Бейжің арасындағы стратегиялық әріптестікті дамыту және халықаралық күн тәртібі.

Алдымен көшбасшылар тар құрамда кездесу өткізеді. Бұл жиында Ресей мен Қытай арасындағы ең маңызды әрі күрделі мәселелер талқыланады. Ресей тарапынан кездесуге бес вице-премьер, президент әкімшілігінің өкілдері, бірнеше министр және ірі бизнес өкілдері қатысады.

Путиннің айтуынша, соңғы ширек ғасырда Ресей мен Қытай арасындағы тауар айналымы 30 еседен астам өскен. Қазір екі ел арасындағы сауда көлемі бірнеше жылдан бері $200 млрд-тан асып отыр. Ресей президенті өнеркәсіп, ауыл шаруашылығы, көлік және жоғары технологияларды ынтымақтастықтың басты бағыттары деп атады.

Ал Си Цзиньпин Ресей мен Қытай «жаһандық басқарудың әділеттірек жүйесін» құруы керек екенін айтты. ҚХР төрағасының сөзінше, Мәскеу мен Бейжің арасындағы байланыс әлемге «тұрақтылық пен болжамдылық» береді.

Оқи отырыңыз:

• Қазақстанға Кения президенті келді
• Димаш Құдайберген БҰҰ елшісі ретінде Бангладештегі босқындарға қолдау білдірді
• Президент ЮНЕСКО-ның бұрынғы Бас директоры Одрэ Азулені Qoja Ahmet Yasaui орденімен марапаттады