Си Цзиньпин КХДР-ға жеті жылдан кейін алғашқы мемлекеттік сапармен келді

Ким Чен Ын Пхеньяндағы Ким Ир Сен алаңында Си Цзиньпинді салтанатты түрде қарсы алу рәсімін ұйымдастырды, деп хабарлайды Orda.kz  Синьхуа агенттігіне сілтеме жасап. 

Кейін екі ел басшысы келіссөз өткізіп, көрші мемлекеттер арасындағы көпжылдық достыққа берік екендерін растады және екіжақты қатынастарды одан әрі дамытуға уағдаласты.

Си Цзиньпин Қытай мен КХДР халықаралық және өңірлік істерде стратегиялық өзара іс-қимылды нығайтып, екі елдің ортақ мүдделерін қорғауы қажет екенін мәлімдеді.

Ким Чен Ын да КХДР Қытаймен бірге екі партия мен екі мемлекет арасындағы барлық деңгейдегі алмасуды күшейтуге дайын екенін атап өтті. Сонымен қатар, ол партия құрылысы мен экономикалық даму сияқты бағыттарда тәжірибе алмасудың маңыздылығын айтты.

Оның сөзінше, КХДР Қытаймен өзара тиімді сауда-экономикалық ынтымақтастықты тереңдетіп, жаңа нәтижелерге қол жеткізуге ниетті.

Бұған дейін Қытай Халық Республикасының төрағасы Си Цзиньпин Солтүстік Кореяға барып, ел басшысы Ким Чен Ынмен кездесетіні туралы жаздық.  Сапар 8–9 маусым күндеріне жоспарланған және Солтүстік Корея көшбасшысының шақыруымен өтеді.

Бұл Си Цзиньпиннің Пхеньянға 2019 жылдан бергі, яғни соңғы жеті жылға жуық уақыттағы алғашқы сапары болмақ. Аталған сапар Қытай басшысы Бейжіңде АҚШ президенті Дональд Трамп пен Ресей президенті Владимир Путинді қабылдағаннан кейін бірнеше апта өткен соң жүзеге аспақ. Бұл екі ел Пхеньянның сыртқы саясатында маңызды рөл атқарады.

Оқи отырыңыз:

• Өзара қолдау келісіміне 65 жыл: Си Цзиньпин араға жеті жыл салып Солтүстік Кореяға барады
• Қытай Тайваньды өз меншігі деп санайды, ал Жапония мен Филиппин ол жерге экономикалық аймақ орнатқысы келеді
• БҰҰ жасанды интеллекттің дамуы қоршаған ортаға әсер етеді деп алаңдап отыр