Шерзаттың ісіне қатысты тағы бір күдікті ұсталды

Алматы облысының полициясы 16 жастағы Шерзат Полаттың өліміне қатысты тергеу жұмыстарын жалғастыруда. 4 қазан күні Талғар қаласында болған төбелесте Шерзат пышақ жарақатынан қаза болды. 17 қазан күні құқық қорғау органдары тағы бір күдікті – азамат К.-ны ұстады. Бұл тергеу министрдің жеке бақылауында, деп хабарлайды Orda.kz.

Бастапқыда жеті адам ұсталып, кейін олардың саны он адамға дейін артты. Полиция мәліметіне сүйенсек, оқиғаның барлық мән-жайын анықтау мақсатында тергеу шаралары жүргізілуде.

«17 қазанда кәмелетке толмаған Ш.Полатты өлтіру фактісі бойынша қылмыстық істі тергеу барысында тағы бір күдікті – К. есімді азамат ұсталды. Қазіргі уақытта болған оқиғаның барлық мән-жайларын анықтауға бағытталған жедел-тергеу іс-шаралар кешенін жүргізу жалғасуда. Тергеу барысы Ішкі істер министрінің бақылауында»,  деп мәлімдеді Алматы облыстық полиция басқармасы.

Бұл шудан соң күдікті ретінде кейінірек ұсталғандардың бірінің анасы Қазакенова Лейла бейнеүндеу жасап, баласының оқиға орнында болмағанын айтты. Оның айтуынша БАҚ-та тараған 13 адам деген сөзге бола, адам санын толтыру үшін оның баласы мен досын ұстап әкетті.

Еске сала кетсек, ІІМ бірінші орынбасары Бауыржан Әленов пен бас прокурор Берік Адамов және тергеу ісін қолға алған Самат Аисов 15 қазан брифинг өткізген.  Ұсталғандардың кімдер екенін сол брифингте айтып берген еді. 

Күні бойы күзетте отырған марқұмның әкесі Қаржаубай Нұрымовтың көгерген жерлері жайлы айтқанын мына сілтемеден оқыңыз. 

Шерзаттың үйі өртенген түні болған бар оқиғаны мына сілтемеден оқыңыз.