Шерзат Полаттың қорғаушылары видеоны жариялағандарды жауапқа тартуды талап етті

Шерзат Полаттың ісін қолға алған адвокаттар істің материалдарындағы видеоны жариялау фактісі бойынша полицияға шағым түсірді, деп хабарлайды Orda.kz.

Полицияға желіде тарап кеткен видеоларға қатысты шағым бергені жайлы  қорғаушылар Justice_for_Sherzat парақшасында мәлімдеді.

«Баршаңызға қолдау білдіргендердеріңіз үшін рақмет. Әрине, біз сіздердің барлық хабарламаларыңызды көріп отырмыз. Бұл мәселенің жедел шешілетініне үміттенеміз. Ішкі істер министрлігінен жауап күтеміз» деп жазылған құқық қорғаушы топтың парақшасында.

Кеше әлеуметтік желілерде Талғардағы дүкен жанындағы қақтығыстан жасөспірім мерт болған түндегі оқиғадан құрастырылған видеолар тарала бастады.

Айтбек Амангелді «толық видео әлі зерттелмеген» деді. Ол видеода тек екі фрагмент болғандықтан, «автордың айтқысы келгені ғана көрсетілгенін» атап өтті.

Ал бүгінгі өткен баспасөзде желіде таралған видеоларда 10 минуттық айырмашылық пен екі фрагмент бар екені анықталды.