Оқушылар Конституцияны оқиды: Жаңа оқу жылынан бастап мектеп бағдарламасына өзгерістер енді

Енді 5–7 сынып оқушылары «Конституция негіздерін», ал 8–11 сыныптар «Заң және тәртіп» пәндерін оқитын болады, деп хабарлайды Orda.kz.

1 шілдеден бастап Қазақстанда жаңа Конституция заңды күшіне енді. Осы өзгерістер аясында мектеп бағдарламасына да жаңа міндетті пәндер енгізіледі.

Оқу-ағарту министрлігінің мәліметінше, 5–7 сынып оқушылары «Конституция негіздері» пәнін, ал 8–11 сыныптар «Заң және тәртіп» пәнін оқиды. Енді барлық оқушы сабақ барысында Конституция бойынша білім алады. 

Сонымен қатар, 5–11 сыныптарға «Жеке қауіпсіздік» курсы енгізіледі. Бұл сабақтарда балалар төтенше жағдай кезіндегі дұрыс әрекет ету, кибергигиена және интернеттегі қауіп-қатерлерден қорғану жолдарын үйренеді.

Бұдан бөлек, 8–9 сыныптарда «Қазақстан географиясы» пәні қайта оқытыла бастайды. Ал бұған дейін таңдау пәні болған «Құқық негіздері» енді барлық оқушы үшін міндетті пәнге айналады.

Оқи отырыңыз:

• Елімізде жаңа Конституция күшіне енді: Жаңа дәуірдің бастауы
• Ұлттық домбыра күні: Астанада қандай іс-шаралар өтеді?