Алматыда жертөледен полиэтиленге оралған ер адамның мәйіті табылды

Алматыда жеке үйлердің бірінің жертөлесінен ер адамның денесі табылды. Полиция мәліметінше, марқұм үй жөндеумен айналысқан және қайғылы оқиға болған күні осы мекенжайда болған, деп хабарлайды Orda.kz.

Алматы қаласының Түрксіб ауданында адам өліміне қатысты қылмыстық іс тергеліп жатыр. Жеке тұрғын үйдің жертөлесінен полиэтиленге оралған ер адамның мәйіті табылған.

Қаза тапқан адамның жеке басы анықталған, алдын ала мәлімет бойынша, ол үй мен пәтер жөндеу жұмыстарын жасаған және оқиға болған күні осы үйде жүрген.

Тергеу барысында полиция үй иесін ұстаған. Оның айтуынша, ер адам белгісіз жағдайда ауыр жарақат алып, қайтыс болған. Алайда күдікті болған жағдай туралы жедел қызметтерге хабарламай, мәйітті жертөледе жасырған деген күдік бар.

Аталған факт бойынша қылмыстық іс қозғалды, қазіргі уақытта сот-медициналық сараптаманы қоса алғанда бірқатар сараптама тағайындалды. Сарапшылар ер адамның нақты өлім себебін анықтап жатыр.

Оқи отырыңыз:

• Алматыда еріген қар суы сел болып ағып, көпірді жұлып, жолды шайып кетті
• Оқушылар Конституцияны оқиды: Жаңа оқу жылынан бастап мектеп бағдарламасына өзгерістер енді