Семейде балағат сөз қолданған стендап-блогер қамалды

Семейде балағат сөз қолданған стендап-блогер 5 тәулікке әкімшілік қамауға алынды, деп хабарлайды Orda.kz.

2025 жылғы 22 қараша күні кешкі сағат 21:00 шамасында Семей қаласының мейрамханаларының бірінде өткен стендап-шоу барысында жергілікті блогердің көпшілік алдында бейәдеп сөздер қолданғаны белгілі болды. Оқиғаға қатысты бейнежазба әлеуметтік желілерге таралып, қоғамдық пікір қызу талқы тудырды.

Полиция қызметкерлері жарияланған видеоматериалды зерделеп, аталған азаматты қоғамдық орында бейәдеп тіл қолданғаны үшін әкімшілік жауапкершілікке тартты.

Сот әкімшілік істі қарау барысында оның кінәсін анықтап, 5 тәулік мерзімге әкімшілік қамауға алу туралы шешім қабылдады.

Еске сала кетсек, Қайрат Сатыбалдының Алматыдағы «Байсат» базары тағы да аукционға шығарылды.

Айта кетейік, кеше «Орда» редакцияның Алматы мен Астанадағы кеңселерінде, сондай-ақ бас редактордың үйінде тінту жүргізілді. Бас редактор Гүлнәр Бажкенованы сотқа дейін 2 айға үйқамаққа қамады. Қазақстан Журналистер одағы 274-баптың белсенділер мен журналистерді қудалайтын тетікке айналғанын атап өтіп, бұл бапты алып тастау қажет екенін айтты. Журналистер одағының Гүлнәр Бажкеноваға қатысты мәлімдемесін мына сілтемеден оқыңыз. Ал құқық қорғаушы Галым Агелеуов «Дождь» телеарнасында Гүлнәр Бажкеноваға қарсы қозғалған істердің саяси тапсырыс екенін ашық айтты. 

Қадірлі оқырман, Orda.kz ары қарай ақпарат таратуын жалғастырады. Әлеуметтік желілеріміз бен сайтымыздан елдегі жаңалықтарды оқи аласыздар.