Regeneron ISEF 2026: Қазақстан оқушылары мараптақа ие болды

Қазақстандық мектеп оқушыларының екі жобасы АҚШ-та өткен Regeneron ISEF 2026 әлемдегі ең ірі ғылыми жобалар байқауында марапатқа ие болды, деп хабарлайды Orda.kz.       

Оқу үлгерімін модельдеу мен академиялық жоспарлауға арналған KazLib цифрлық платформасы AAAI Student Membership марапатын иеленді. Жобаны Талдықорған қаласының оқушылары Аслан Башаров пен Болысбай Нұркелді әзірлеген.

Екінші жоба — Neuralese, нейрондық желілерді әзірлеуге арналған визуалды-интерактивті платформа бірден екі арнайы марапатқа — AAAI Membership және School Library Membership иегері атанды. Жобаны алматылық жасөспірімдер Михаил Исаков пен Рақым Нұрмұханбетов таныстырды.

Association for the Advancement of Artificial Intelligence — жасанды интеллект саласындағы жетекші халықаралық ұйымдардың бірі, штаб-пәтері Вашингтон қаласында орналасқан. Ал Regeneron ISEF — жыл сайын ондаған елден келген ең үздік жас зерттеушілерді біріктіретін әлемдегі ең ірі ғылыми және инженерлік жобалар байқауы.

Биылғы байқау АҚШ-тың Финикс қаласында өтті. Қазақстан бұл додада бес ғылыми жоба ұсынды. Оның үшеуі халықаралық байқаудың арнайы марапаттарына ие болды. Бұған дейін жасанды интеллект көмегімен қатерлі ісікті анықтау жүйесін әзірлеген қазақстандық оқушы да марапатталған болатын.

Оқи отырыңыз:

• Ұлттық банк Ермек Серкебаевтың 100 жылдығына арнап коллекциялық монеталар шығарады
• Қазақстан KazSat-тан айырылса Starlink-ке тәуелді болып қалуы мүмкін: Депутаттар дабыл қақты
• Түрікменстанда жаһандық және өңірлік қатерлерге қарсы іс-қимыл талқыланды