Қытайдан Мұхтар Әбіләзовтың сыбайласы экстрадицияланды

Қытайдан Мұхтар Әбіләзовтың тағы бір сыбайласы халықаралық іздестіру арқылы елге қайтарылды.

Бұл туралы Сыбайлас жемқорлыққа қарсы қызмет хабарлайды.

«БТА-Банк» АҚ бұрынғы топ-менеджментіне қатысты қылмыстық іс бойынша 2011 жылдан бастап «Жаңа Қалқаман» ЖШС атаулы директоры Пак Виталий Леонидович іздеуде болды.

2006-2008 жылдар кезеңінде осы компанияны заңсыз несиелеу арқылы Мұхтар Әбіләзов пен оның сыбайластары 8,9 млрд. теңгеден астам сомаға ақшалай қаражатты ұрлады.

2019 жылы Пак Қытайдың Чэнлу қаласының аумағында екені анықталды.

Күдіктінің жақын туыстарымен және адвокатымен тиісті түсіндіру жұмыстары жүргізілгеннен кейін, Пак Қазақстанға оралуға ниет білдіріп, ол туралы жазбаша өтініш жолдады.

27 тамызда ҚР ІІМ Интерполдың көмегімен Пак Чэнду қаласынан Алматы қаласына келіп, тергеу изоляторына қамалды.

Сотқа дейінгі тергеу жалғасуда.