Павлодарда қайтыс болған адамдарға «медициналық қызмет көрсетілген»

Павлодарда «Әлеуметтік медициналық сақтандыру қоры» қаражаты есебінен жалған медициналық қызмет көрсетілген. Олардың ішінде қайтыс болған адамдарды мамандардың қабылдауына жазғаны белгілі болды, деп хабарлайды Orda.kz.

Бас прокуратура мәліметінше, невропатолог, кардиолог, хирург, психолог және басқа да мамандардың қабылдауына қайтыс болған адамдар «жазылған». Акушер-гинекологтың қызметі ер адамдарға «көрсетілген».

Сонымен қатар, тиісті сертификаттары мен рұқсат құжаттары жоқ мамандардың медициналық қызмет көрсеткені анықталған.

Қабылданған шаралар нәтижесінде 100 млн теңгеден астам шығын өтелген. 

Бас прокуратураның мәліметінше, қазіргі уақытта сотта мемлекеттік қаражатты 62 млн теңгеге жымқыру қылмыстық ісі қаралуда. 

Оқи отырыңыз:

• ҚР ІІМ: Терроризм туралы жалған хабарламалар үшін жауапкершілік қатаң
• Яна Легкодимованы өлтіргендер тергеу изоляторынан түрмеге жөнелді
• Пайызы 12 есе жоғары: Ақтөбеде күдікті заңсыз ломбард қызметін ұйымдастырған