Пайызы 12 есе жоғары: Ақтөбеде күдікті заңсыз ломбард қызметін ұйымдастырған

Ақтөбе облысында ломбард қызметі саласындағы заңсыздық әшкереленді, деп хабарлайды Orda.kz.

ҚМА мәліметінше, күдікті 2020–2025 жылдар аралығында халыққа тұрмыстық техника (ұялы телефондар, теледидарлар, ойын приставкалары, фотоаппараттар) кепілімен қарыз беруді ұйымдастырған. Бірақ ломбардтың лицензиясы болмаған.

Бұл заңсыз қызмет арзандатылған дүкен ретінде тіркелген.

Күдікті тәулігіне 3,7%-ға дейін жететін жоғары пайыздық мөлшерлемелер белгілеген. Бұл заңмен белгіленген 0,3% шектен 12 есе жоғары.

Мәселен, бір клиент 257 000 теңге көлемінде 10 күнге қарыз рәсімдеп, комиссия шарты бойынша 51 400 теңге (тәулігіне 2%) сыйақы төлеуге мәжбүр болған. Ал заң бойынша бұл 7 710 теңгеден аспауы тиіс еді (0,3%).

Қылмыстық жолмен алынған табыс көлемі 93 млн теңгеден асқан.

Сот санкциясымен күдіктінің 3 автокөлігі мен пәтеріне тыйым салынды. Қылмыстық іс сотқа жолданды.

Оқи отырыңыз:

• АҚШ делегациясы Иранмен келіссөздердің екінші кезеңіне қатысу үшін Исламабадқа келді
• Болгариядағы парламенттік сайлауда экс-президенттің партиясы жеңіске жетті