Яна Легкодимованы өлтіргендер тергеу изоляторынан түрмеге жөнелді

Атырауда Яна Легкодимованы өлтіргендер басқа түрмеге ауыстырылды, деп хабарлайды Orda.kz.

Яна Легкодимованың өліміне кінәлі деп танылған Алтынбек Қатимов пен Ризуан Қайыржанов Атыраудағы тергеу изоляторынан түрмеге ауыстырылды. Олар өмір бойына бас бостандығынан айырылғандарға арналған мекемеге жеткізілді. 

«Оларды 19 сәуір күні басқа тұтқындармен бірге арнайы вагонмен алып кетті», деп мәлімдеді қылмыстық-атқару жүйесі департаментінің қызметкері. 

Бұған дейін қылмыскерлердің қай күні ауысатыны жайлы ақпарат белгілі болған. Қылмыскерлерге үкім шыққаннан бері бірнеше ай тергеу изоляторында отырған. Оларды ауыстыру мәселесін марқұмның анасы Галина Легкодимова көтерді. Ол Қылмыстық-атқару жүйесі комитетіне сотталғандарды жазасын өтеу орнына қашан ауыстыратынын түсіндіруді сұраған болатын.

Оқи отырыңыз:

• Мұхтар Шаханов өмірден өтті
• Жетісу облысында болған жол апатынан 11 адам ауруханаға түсті
• Атырауда бөтен құжатпен 19 несие алған адам сотталды