Өздерін ломбард желісі деп таныстырған алаяқтар қолға түсті

09 ақпан 2026 10:18 Жәукен Әсем

Фото: ИИ

Өткен жылдың қыркүйегінде ломбард болып көрінген, бірақ шын мәнінде заңсыз микрокредит берген ірі желі әшкереленген еді. «Актив Ломбард» желісінің иесі С.С.Койнов адамдарға комиссиондық сауда деп көрсетіп, іс жүзінде жоғары пайызбен микронесие беріп отырған деген күдікке ілінді, деп хабарлайды Orda.kz.

Бұл қызмет заңды көрінуі үшін ол өзіне қарасты «Актив Ломбард» ЖШС-ін және сенімді адамдардың атына тіркелген «One Billion Sales», «The Best Seller», «Shark in Sales» компанияларын пайдаланған. Барлығы «Актив Маркет» деген бір атаумен жұмыс істеп, бір ғимаратта отырып, қызметкерлер арқылы клиенттерге қызмет көрсеткен.

Клиенттермен жасалған келісімшарт тек көзбояушылық болған. Күндік пайыз 1,73–2,07% болған, бұл рұқсат етілген мөлшерден 5 есе жоғары. Соның салдарынан азаматтардың құқықтары бұзылған. Жалпы саны 1,9 миллионнан астам келісім жасалып, заңсыз табыс 19 млрд теңгеден асқан.

Тергеу дерегінше, Койнов бұл ақшаның қайдан келгенін жасыру үшін күрделі схема ойлап тапқан: жалған келісімшарт жасап, ақшаны түрлі есепшот арқылы айналдырып, кейін 5 млрд теңгеден астам қаражатты дивиденд ретінде шығарған.

Сондай-ақ ол «Zeus Co» деген IT-компания тіркеп, бағдарламалық қызмет көрсетеміз деген желеумен аффилирленген фирмалармен бағасы тым қымбат келісімшарт жасаған. Соның нәтижесінде компания шотына 2,5 млрд теңге түсіп, оның 2,2 млрд теңгесі Койновқа дивиденд ретінде аударылған.

Сот санкциясымен жалпы құны 8,9 млрд теңге болатын мүлікке тыйым салынды. Оның ішінде Астанадағы 4 пәтер мен 2 үй, БАӘ-дегі 4 апартамент, Lexus LX 600, Rolls Royce Cullinan, Mercedes-Benz G63, Bentley Bentayga V8, Land Rover Range Rover Sport көліктері және депозиттердегі 2,7 млрд теңге бар.

Койнов қамауға алынды. Оның төрт сыбайласына елден шықпау туралы қолхат берілді.

Оқи отырыңыз:

Жаңалықтар

барлық жаңалықтар