Бұрынғы ректор ҚазҰПУ ғимаратын жалға беріп табыс тапқан – прокуратура нысанды қайтарды

Алматы қаласы прокуратурасы Абай атындағы Қазақ ұлттық педагогикалық университеті (ҚазҰПУ) ғимаратының бір бөлігін мемлекет меншігіне қайтарып берді, деп хабарлайды Orda.kz.      

Тексеру барысында нысандарды ұзақ жылдар бойы бұрынғы ректор аффилирленген тұлғаларға беріп, кейін сол ғимараттарды университеттің өзіне жалға тапсырғаны анықталды.

31 қаңтарда прокуратура ҚазҰПУ ғимаратының жалпы аумағы 208 шаршы метрден асатын бөлігі заңсыз жекешелендірілгенін анықтады. Сот бұл мәмілелерді жарамсыз деп таныды. Сол кезде мемлекеттік мүлік жөніндегі уәкілетті орган қайтарылған активтерге бағалау жұмысын жүргізіп жатқаны хабарланған болатын.

Нақтырақ айтсақ, университет өз спорт корпусын өзі жалға алып келген. 

Прокуратура мәліметінше, тексеру барысында «мемлекет пен университеттің мүдделеріне қайшы үшінші тұлғаларға заңсыз сатылған» бірқатар нысандар анықталған.

Осындай активтердің бірі — Қазыбек би көшесі, 30-мекенжайда орналасқан, жалпы аумағы шамамен 1400 шаршы метр болатын №4 оқу-спорт корпусы ғимараты.

Прокуратура деректеріне сәйкес, 2003 жылғы 27 қарашада университетте 1987–2008 жылдары ректор қызметін атқарған Тоқмұхамед Садықов аффилирленген компания — «Зураб фирмасы» ЖШС-мен (қазіргі атауы — «ST Advisory» ЖШС) заңсыз сатып алу-сату шартын жасаған.

Сол кезде оқу корпусы 5 070 250 теңгеге негізсіз төмен бағамен сатылған.

Еске салсақ, Алматы қаласының прокуратурасы қадағалау жүргізу барысында Қазақ ұлттық қыздар педагогикалық университеті ғимаратының бір бөлігі заңсыз жекешелендірілгенін анықтаған еді. Осы ғимараттың  жалпы аумағы 208 шаршы метр. Прокуратураның талап арызы бойынша сот жасалған мәмілелерді жарамсыз деп таныды.

Оқи отырыңыз:

• «Қанды бастама»: Қазақ қыздарын Ресейдің соғыс дрондарын құрастыруға қалай шақырады?
• «28,5 млн теңге»: Танымал университет ректоры пара алды деген күдікке ілінді
• Алматыда меценаттар болашақ мұғалімдерге жатақхана салып берді