Отарда сарбаз соққыға жығылды: Бірнеше командир қызметінен кетті

Гвардейск гарнизонының әскери бөлімдерінің бірінде мерзімді әскери қызметшіге күш қолданғандардың үстінен қылмыстық іс қозғалды. Қызметтік тексеру жүргізіліліп, бірнеше лауазымды тұлға орнын босатты, деп хабарлайды Orda.kz. 

Гвардейск гарнизонында әскери бөлім командирі, оның тәрбие және идеологиялық жұмыс жөніндегі орынбасары, батальон командирі және рота командирі атқарып отырған қызметтерінен босатылды.

Әскери бөлім командирінің орынбасары — штаб бастығына, батальон командирінің орынбасарына және оның тәрбие жұмысы жөніндегі орынбасарына ескерту берілді. Сонымен қатар, бірқатар офицерлер мен сержанттарға қатаң тәртіптік жаза қолданылды.

Айта кетейік, әскери қызметшілердің бірі жақ сүйегінен жарақат алғаны туралы ақпарат 16 ақпанда белгілі болды. Зардап шеккен сарбаз Алматы қаласындағы әскери-клиникалық госпитальға жеткізіліп, ем қабылдап жатыр.

Оқи отырыңыз:

• Алматыда мерзімді қызметтегі сарбаз әскери бөлімнің үшінші қабатынан секіріп кетті
• Әскердегі кезекті өлім: Миы жаншылған сарбаз өз-өзін екінші рет қалай ата алды?
• «Мүрдесін ала алмадық»: Алматы облысында көз жұмған сарбаздың туыстары Тоқаевқа үндеу жасады