Отарда сарбаз ауыр жарақат алды: Қылмыстық іс қозғалды

Отарда мерзімді әскери қызметтегі сарбаз ауыр жарақат алды. Оның жақ сүйегі мен мұрны сынғаны белгілі болды. Ота жасалғанымен, туыстарының айтуынша, толыққанды емдеу мен бақылау қамтамасыз етілмеген. Кейін жақындары оны пәтерде ұстап отырғанын анықтаған. Қосымша тексеру барысында операцияның дұрыс жасалмағаны белгілі болған. Қазір сарбаз Алматы қаласындағы Әскери-клиникалық госпитальде ем қабылдап жатыр, деп хабарлайды Orda.kz.

Гвардиялық гарнизонның әскери полициясы әскери бөлімдердің бірінде әскери қызметшіге қатысты күш қолдану фактісі бойынша қылмыстық іс қозғады.

Orda.kz редакциясы әскери полицияның Бас басқармасына ресми сауал жолдады. 

«Оқиға салдарынан бір сарбаз жақ сүйегі жарақатын алған. Жәбірленуші Алматы қаласындағы Әскери-клиникалық госпитальге жатып ем қабылдауда. Оған қажетті білікті медициналық көмек көрсетіліп жатыр, денсаулық жағдайы әскери дәрігерлердің тұрақты бақылауында. Материалдар Сотқа дейінгі тергеп-тексерудің бірыңғай тізіліміне тіркелді. Қазір жан-жақты тексеру жүргізілуде. Тергеу барысында барлық қатысы бар тұлғалардың, сондай-ақ жоғары тұрған қолбасшылыққа жарғыға сай емес қарым-қатынас фактісі туралы дер кезінде баяндамаған. Медициналық көмек ұйымдастыруға жауапты әскери бөлімнің лауазымды тұлғаларының әрекетіне құқықтық баға беріледі», деп мәлімдеді әскери полиция.

Тергеу шаралары кезеңінде әскери бөлімнің бірқатар лауазымды тұлғалары қызметтік міндеттерін атқарудан шеттетілді.

Оқи отырыңыздар:

• Михаил Шайдоровтың мемлекеттен ресми қанша қаражат алатыны белгілі болды
• Қорғаныс министрлігі әскери бөлімдерге жоспарлы тексеру жүргізеді