Қостанайда блогер қатысқан төбелес: Полиция қылмыстық іс қозғады

Қостанайда блогер қатысқан төбелес туралы ақпарат тарады. Оқырмандардың айтуынша, жанжалға әлеуметтік желіде ерекше балалардың ата-аналарын қорлады деп сынға ілінген блогер Гүлнәр Оразалина да қатысқан, деп хабарлайды Orda.kz.

Қостанай облыстық полиция департаментінің мәліметінше, 15 сәуір күні «102» пультіне қалада төбелес болғаны туралы хабарлама түскен.

«Оқиға орнына жеткен полиция қызметкерлері барлық қатысушыларды ұстап, бөлімшеге жеткізген. Алдын ала ақпарат бойынша, жанжал екі қыздың арасында әлеуметтік желідегі тікелей эфир кезінде басталған. Кейін жеке кездесуде қарым-қатынасты анықтау төбелеске ұласқан. Аталған дерек бойынша қылмыстық іс қозғалды»,  деп хабарлады Қостанай полиция департаменті.

Қазір тергеу жүріп жатыр. Нәтижесінде әрбір қатысушының әрекетіне заңға сәйкес құқықтық баға беріліп, процессуалдық шешім қабылданады.

Полиция азаматтарды кез келген даулы жағдайды құқықтық алаңда шешуге шақырады. Заңға қайшы әрекеттер үшін қылмыстық жауапкершілік қарастырылғанын ескертті.

Оқи отырыңыз:

• Оқиға орнында қаза тапты: Әскери бөлімдердің бірінде сарбаз қаза тауып, екіншісі жараланды
• Атырауда полиция басқармасының басшысы ұсталды