Қорғаныс министрлігі Жамбыл облысында табылған снарядтардың қауіпсіз екенін айтты

Жамбыл облысындағы қоймадан табылған оқтар мен снарядтар қауіп төндірмейді, себебі ол жай ғана металл сынықтары, деп хабарлайды ҚР Қорғаныс министрлігінің баспасөз қызметі.

Әлеуметтік желіде бұған дейін Байзақ ауданындағы мейрамхананың жанындағы қараусыз оқ -дәрі қоймасынан бейнежазба таратылған болатын.

— Видеода көрсетілген снарядтар мен оқ -дәрілер жойылғаннан кейін алынған және электронды платформа бойынша сауда -саттық арқылы жеке кәсіпорынға сатылатын металл сынықтары. Олар адамдарға ешқандай қауіп төндірмейді, - деп хабарлады ҚР Қорғаныс министрлігінен.

Тексеріс барысында өндірістік базаның жауапкершілігі шектеулі серіктестікке тиесілі екендігі, ал темір қалдықтары оның аумағында сақталатыны анықталды. Қорғаныс министрлігі олар Индустрия және инфрақұрылымдық даму министрлігінің ведомстволық бағынысты «Қазтехнология» АҚ ұйымына  жарамсыз оқ - дәрілерді өндірістік жою үшін бергенін түсіндірді. Ал «Қазтехнология» АҚ өз кезегінде оқ–дәрілердің құрамындағы жарылғыш заттарды алу және жою процесін жүргізеді.

Сонымен қатар Байзақ ауданындағы оқ -дәрі қоймасында мұндай оқ-дәрілер сақталмағаны да айтылды.