Өңірлерде қымбатшылық: Отандық өндіріс импорттық өнімнің көлеңкесінде

Баға өсімі бойынша алдыңғы орында Қарағанды, Ақмола облыстары және Ұлытау өңірлері. Үкіметтің хабарлауынша, негізгі өсім коммуналдық қызметтерге, көлікке және денсаулық сақтау саласындағы қызметтерге қатысты тіркелген,  деп хабарлайды Orda.kz.       

Ұлттық экономика бірінші вице-министрі Азамат Әмриннің айтуынша, тамыз айында жылдық инфляция 12,2 пайызға дейін жеделдеді (шілде айында – 11,8 пайыз болған). Ең көп баға өсімі мына өңірлерде байқалды:

• Қарағанды облысы – 14,4 %
• Ұлытау облысы – 13,6 %
• Ақмола облысы – 13 %
• Атырау облысы – 12,8 %
• Солтүстік Қазақстан облысы – 12,6 %
• Ақтөбе облысы – 12,5 %
• Батыс Қазақстан облысы – 12,4 %
• Астана қаласы – 12,8 %
• Алматы қаласы – 12,7 %

Сауда және интеграция бірінші вице-министрі Айжан Бижанованың айтуынша, азық-түлік инфляциясына айтарлықтай әсер етіп отырған – импорттық өнімдер азық-түлік тауарлары құрылымының 23–27 пайызын құрайды. Азық-түлік бағасының өсуін төмендету үшін импортты алмастыру бағдарламаларын күшейту ұсынылып отыр.

Сондай-ақ, үкімет әлеуметтік маңызы бар азық-түлік өнімдерінің тұрақтандыру қорларындағы қорын қалай бақылауға алатынын мәлімдеді.

Осының бәрі әлеуметтік маңызы бар тауарлардың қозғалысын онлайн режимде бақылауға мүмкіндік береді деген үміт бар. 

Коммуналдық қызмет бағасы демекші, ауылдық жерлерде халықтың көп бөлігі әлі де көмірмен жылынып отырғанын ұмытпаған жөн. Ұлттық статистика бюросының мәліметінше, 2025 жылдың екінші тоқсанында көмірдің тоннасы өткен жылдың осы кезеңімен салыстырғанда 9,7% -ға қымбаттады.

Халық бес жылдан бері табысының жартысынан көбін тамаққа жұмсап отыр. Сарапшылар Қазақстан халқының кірістері мен шығыстары жөніндегі статистиканы зерттеп, елімізде азық-түлікке жұмсалатын шығын үлесі әлем бойынша ең жоғары деңгейде екенін анықтады.

Біз Қазақстан экономикасы Ресей мен Қытайдан озды деп мақтанамыз. Онда неге жұрт байып кеткен жоқ?

Тіпті жақында Еңбек және халықты әлеуметтік қорғау министрі Светлана Жақыпова жағдайы жақсы көпбалалы отбасыларға мемлекеттен көмек көрсетілмеуі мүмкін екенін де ескертті.