Олимпиада-2026: Софья Самоделкина қысқа бағдарламада жеке рекордын жаңартты

Қазақстан ұлттық құрамасының мәнерлеп сырғанау шебері Софья Самоделкина XXV қысқы Олимпиада ойындары аясында Италияда өнер көрсетіп, өз рекордын жаңартты, деп хабарлайды Orda.kz.      

Бүгін спортшы әйелдер арасындағы қысқа бағдарламада 68,47 ұпай жинап, өзінің жеке рекордын жаңартқаны туралы ақпарат тарады.

Италиядағы Олимпиада ойындарында қазақстандық мәнерлеп сырғанаушы Софья Самоделкина әйелдер арасындағы қысқа бағдарламада 68,47 ұпай еншілеп, мансабындағы ең жоғары көрсеткішіне қол жеткізді. Жарыс күнінің қорытындысы бойынша ол 12-орынға тұрақтады.

Ол 19 ақпанға жоспарланған еркін бағдарламада алғашқы болып өнер көрсетеді. Бұның үшінші орыннан айырмашылығы сегіз ұпайдан сәл ғана асады.

Қысқа бағдарлама нәтижесі бойынша көш бастап тұрған спортшылар:

• Ами Накаи (Жапония) – 78,71 ұпай;
• Каори Сакамото (Жапония) – 77,23 ұпай;
• Алиса Лю (АҚШ) – 76,59 ұпай.

Қазақстан Олимпиадада әйелдер арасындағы жекелей сырғанауда екінші рет қатысып отыр. 2018 жылы Қысқы Олимпиада ойындары кезінде Пхёнчхан қаласында өткен додада ел намысын Айза Мамбекова мен Элизабет Тұрсынбаева қорғаған болатын.

14 ақпанға қараған түні Олимпиададағы ерлер арасындағы жекелей сырғанаудан жарыс аяқталып, оның нәтижесі сенсацияға толы болды. Алтын медальді қазақстандық Михаил Шайдоров жеңіп алды. 

Оқи отырыңыз:

• Олимпиада-2026: 12-ші жарыс күнінде қай спортшыларымыз өнер көрсетеді
• «Отаныма разымын»: Шайдоров Қазақстан халқына ризашылығын білдірді
• Қазақстанға тарихи жеңіс сыйлаған Михаил Шайдоровты әлем құттықтап жатыр