Олимпиада-2026: 12-ші жарыс күнінде қай спортшыларымыз өнер көрсетеді

2026 жылы Милан, Кортина-д’Ампеццо және Италияның солтүстігіндегі бірнеше қалада өтетін қысқы Олимпиада ойындарының 12-ші жарыс күнінде қазақстандық спортшылар төрт спорт түрі бойынша жүлде үшін сынға түседі, деп хабарлайды Orda.kz.

Бұл күн Қазақстан жанкүйерлері үшін ерекше қызықты әрі оқиғаларға толы болмақ.

Милан және Кортина-д'Ампеццодағы қысқы Олимпиададағы 18 ақпан күні өтетін жарыс кестесі:

Жарыс кестесі (уақыты – Қазақстан бойынша) 

13:45 — шаңғы жарысы, командалық спринт (ерлер мен әйелдер).

Бұл сында Қазақстан құрамасының барлық спортшылары бақ сынайды:

• Надежда Степашкина
• Ксения Шалыгина
• Анна Мельник
• Дарья Ряжко
• Әмірғали Мұратбеков
• Виталий Пухкало
• Наиль Башмаков қатысады.

14:00 — тау шаңғысы спорты

Әйелдер арасындағы слалом жарысына Александра Скороходова қатысады.

14:00 — фристайл-акробатика
Бұл уақытта әйелдер арасындағы акробатикалық фристайл жарыстары өтеді. Спортшылар екі іріктеу кезеңінен және финалдан өтеді. Қазақстан атынан Аяна Жолдас өнер көрсетеді.

00:15 (19 ақпанға қараған түн) — шорт-трек
Түнгі уақытта қазақстандық шорт-трек шеберлері 500 метр қашықтықта жарысады:

• Денис Никиша
• Абзал Әжғалиев бақ сынайды.
   

 Қазақстан құрамасы 2026 жылғы қысқы Олимпиадаға 10 спорт түрі бойынша 36 спортшы жіберді.

Олар биатлон, шаңғы жарысы, трамплиннен шаңғымен секіру, қос сайыс, фристайл-могул, фристайл-акробатика, тау шаңғысы спорты, шорт-трек, конькимен жүгіру спорты, мәнерлеп сырғанаулан бақ сынауда. 
Сонымен қатар, Қазақстаннан фристайл-могул мен мәнерлеп сырғанау бойынша екі төреші Олимпиада ойындарына қатысып жатыр.

Оқи отырыңыз:

• 2026 жылы қандай спорт нысандары салынады: «Медеу» жөнделіп жатыр
• Алматы Art Sport бағдарламасы бойынша 1,7 миллиард теңге қарыз
• Елімізде балаларға бокс пен ат спортымен айналысуға тыйым салынады