Олимпиада-2026: Қазақстан тарихындағы трамплиннен секіруден ең үздік нәтиже

Италияда өткен 2026 жылғы қысқы Олимпиада ойындарында шаңғымен трамплиннен секіру сайыстары аяқталды, деп хабарлайды Orda.kz Olympic.kz сайтына сілтеме жасап.

19 жастағы трамплиннен секіруші Олимпиада-2026 ойындарында Қазақстан тарихындағы ең үздік нәтиже көрсетті.

Үздік 30 спортшы өткен финалдық кезеңде Қазақстан құрамасынан екі спортшы – Данил Васильев пен Илья Мизерных өнер көрсетті.

Жарыс қорытындысы бойынша Олимпиадаға алғаш рет қатысып отырған 19 жастағы Илья Мизерных 281,6 ұпай жинап, сегізінші орынға ие болды. Данил Васильев 235,9 ұпаймен 27-орыннан көрінді.

Осылайша Илья Мизерных шаңғымен трамплиннен секіру бойынша Олимпиада ойындарында Қазақстан құрамасының тарихындағы ең жоғары нәтижені тіркеді.

Жарыста жеңісті Домен Превц (Словения) 301,8 ұпаймен иеленді. Екінші орынға Рен Никайдо (Жапония) 295,0 ұпаймен тұрақтады. Қола медальді Кацпер Томащак (Польша) 291,2 ұпаймен жеңіп алды.

Оқи отырыңыз:

• Қазақстан 2026 жылғы Қысқы Олимпиада ойындарының медальдық есебінде 15-орында
• Олимпиадада Шайдоров мәнерлеп сырғанаудан сенсациялық жеңіске жетті
• Тоқаев Михаил Шайдоровты «Барыс» орденімен марапаттады