«Нұрлы жол» вокзалында мұражай ашылды

Бүгін Астанадағы «Нұрлы жол» вокзалында мұражай ашылды. Енді пойызын күткен жолаушылар уақытын тиімді пайдалана алады, деп хабарлайды  Orda.kz.       

Музейдің жалпы ауданы 3200 шаршы метр. Төрт зал бар, олар «Түрксіб және Мұхамеджан Тынышбаев», «Локомотивтердің эволюциясы», «Кәсіптер мен инновациялар», «Қазақстан темір жолдарының тарихы» деп аталады.

Басты ерекшелігі - бұл жерде келушілер интерактивті экрандарды пайдаланып, виртуалды технологиялардың көмегімен теміржол әлеміне тереңірек саяхат жасай алады. 

Сонымен қатар мұражайда тұрған локомотивке отырып, өзін нағыз машинист ретінде сезінуге мүмкіндік бар. Мұражайдағы ең ерекше орындардың бірі - вагон ішіндегі дәмхана. Мұнда өзіңізді жол үстінде келе жатқан пойыздың жолаушысы ретінде сезінесіз. Терезе орнындағы экрандардан қазақ даласының көріністері көрсетіледі. Сыртқа көз салсаңыз, пойыз жүйткіп келе жатқандай әсер қалдырады.

[media=https://qazaqstan.tv/news/228251]

Оқи отырыңыз:

• «Күзде жинайтын түк қалмайды»: Қарағандылық фермерлер киіктердің егінді жайпап жатқанына ашулы
• АҚШ пен Иран арасындағы ықтимал келісім мұнай бағасына әсер ете ме?
• Әлеуметтік желіде балағат сөз қолданғандарға айыппұл салатын түзетулер ұсынылды