«Қылмыскерді көруге келдіңдер ме?» Нұрлан Сабуров алғашқы концертін берді

26 ақпан 2026 10:22 Альфия Адамбек

Фото: Бейнеден кадр

Нұрлан Сабуров Ресейге кіруге тыйым салынғаннан кейінгі алғашқы концертін берді. Оның кеші Пхукетте өтті, деп хабарлайды Orda.kz.

2000 орынға шақталған Royal Phuket City Hotel қонақүйінің конференция залында Сабуров Ресейге 50 жылға кіруге тыйым салынғаны туралы әзіл аралас пікір білдірді. Билет бағасы 6 мыңнан 20 мың рубльге дейін болған. Әзілкешті көруге келген көрерменмен зал лық толды.

Сахнада сөз сөйлеген Сабуров журналист Ксения Собчакқа тоқталды.

«Собчакқа қолдауы үшін респект, бірақ шынымды айтсам қажет емес еді. Әйтпесе 500 жылға тыйым салып, концертті Сатурнның бесінші сақинасында өткізуім мүмкін», — деп әзілдеді ол.

Әзілкеш көрермендерге тағы бір тосын қалжың айтты. Ресейге кіруге 50 жылға тыйым салынғаны Сабуровтың өзіне де таңсық жағдай болған көрінеді.

«Көпшілігі концертке келген шығар, бірақ көбі «қылмыскерді» көруге келген сияқты. Тіпті Владимир Зеленский де ондай тыйым алмаған шығар», — деді әзілкеш.

Сабуров алдағы уақытта патриоттық концерт өткізетінін айтып та әзілдеген.

Айта кетейік, комик 5 ақпаннан 6 ақпанға қараған түні Дубайдан оралғаннан кейін Внуково әуежайында ұсталған. Оған Ресейге кіруге тыйым салынғаны туралы құжат табысталған. Тыйым 30 қаңтардан бастап күшіне енген, бірақ Нұрлан бұл туралы елге келгенде бір-ақ білген. Сол күні ол Алматыға ұшып кеткен. Әзілкеш елге оралғаннан кейін Қазақстанның арнайы қызметтері оның Ресей әскери күштеріне мотоциклдер беру фактісі бойынша тексеру бастады.

Оқи отырыңыз:

Жаңалықтар

барлық жаңалықтар