Нұрай Серікбай ісі: ІІМ күдіктінің туыстарының қатысын тексеріп жатыр

Ішкі істер министрлігі Нұрай Серікбайдың өліміне байланысты іс бойынша күдіктінің туыстарының  қатысы бар деген ықтималдықты тексеруде, деп хабарлайды Orda.kz.

Ішкі істер министрінің орынбасары Санжар Әділов қазіргі таңда тергеу қаза тапқан қыздың отбасы айтқан деректерді тексеріп жатыр. Яғни, қызды күдіктінің үйіне әкелген кезде оның жанында басқа адамдар да болуы мүмкін деген нұсқа қарастырылуда.

ІІМ мәліметінше, іс бойынша тергеу амалдары белсенді түрде жалғасып жатыр. Қазір барлық нұсқалар мен процессуалдық жайттар жан-жақты тексерілуде.

Еске салайық, 21 жастағы Нұрай Серікбай 11 қаңтар күні Шымкентте кісі қолынан қаза тапты. Марқұмның туыстары қыздың ажалы оны күштеп үйленбекші болып алып қашқан жігіттен көрді. Қызды алып қашқан кезде полиция бұл дерек бойынша қылмыстық іс қозғамағаны жайлы ақпарат қоғамда кеңінен резонанс тудырған еді.

Оқи отырыңыз:

• Нұрай Серікбайдың өлімі: Сараптама айыпталушыны есі дұрыс деп таныды
• Полиция растады: «Нұрай Серікбайды өлтірді деген күдікті психикалық емдеу мекемесінде жатыр»
• «Қыз Жібек» Меруерт Өтекешева: Жыр болған қамзол, отбасылық қайғы мен 1 миллион зейнетақы