Нұрай Серікбайдың өлімі: Сараптама айыпталушыны есі дұрыс деп таныды

Ішкі істер министрінің орынбасары Санжар Әділов Нұрай Серікбайды өлтіру ісі бойынша тергеудің аяқталуға жақын екенін мәлімдеді. Сот-психиатриялық сараптама нәтижесіне сәйкес, күдікті есі дұрыс деп танылған, деп хабарлайды Orda.kz.

Ішкі істер министрінің орынбасары Санжар Әділов Нұрай Серікбайдың өліміне қатысты тергеу барысына түсініктеме берді. Оның айтуынша, іс бойынша негізгі тергеу әрекеттері іс жүзінде аяқталған.

«Тергеушінің тағайындауы бойынша сот-психиатриялық сараптама жүргізілді. Қазіргі уақытта оның қорытындысы алынды. Айыпталушы заң алдында есі дұрыс тұлға ретінде жауап береді», — деді Әділов.

Бұған дейін күдікті мәжбүрлі емдеуге жіберілгені жайлы ақпарат тараған еді. Қазіргі таңда ол Шымкент қаласынан тыс орналасқан күзеті бар мамандандырылған медициналық мекемеде жатыр. Емдеу аяқталғаннан кейін ол қайтадан тергеу изоляторына жеткізіледі.

Еске салсақ, 11 қаңтарда Шымкентте студент Нұрай Серікбайды көшеде белгісіз ер адам пышақтап кетіп Нұрай Серікбай ауыр жарақат салдарынан ол көз жұмды. 

Оқи отырыңыз:

• «Құман екеуіміз өмір бойы халық үшін еңбек еттік. Бізде кәсіп болмады»: Меруерт Өтекешева Баян Алагөзованың ұсынысына пікір білдірді
• Шымкентте аяусыздықпен ажал құшқан Нұрай Серікбайдың 40 күндік асы берілді
• Полиция растады: «Нұрай Серікбайды өлтірді деген күдікті психикалық емдеу мекемесінде жатыр»