Полиция растады: «Нұрай Серікбайды өлтірді деген күдікті психикалық емдеу мекемесінде жатыр»

Нұрай Серікбайды өлтірді деген күдіктіде психикалық бұзылыстар барын полиция растады, деп хабарлайды Orda.kz.

Департаменттің баспасөз хатшысы жариялаған мәліметке сүйенсек, ер адамға бір емес, екі рет сот-психиатриялық сараптама жасалған. Қорытындысы бойынша онда ақау бары анықталған.

«Күдіктіге қатысты тергеу адам өлтіру, некеге тұруға мәжбүрлеу және сталкинг бойынша жалғасуда. Тергеу барысы бақылауда.Екі рет жүргізілген сот-психиатриялық сараптаманың қорытындысы бойынша күдіктіден психикалық бұзылыстар анықталып, осыған байланысты ол мамандандырылған мекемеге мәжбүрлі емдеуге жіберілді. Емдеу аяқталғаннан кейін күдікті тергеу әрекеттерін жалғастыру үшін қайтадан тергеу изоляторына қамалады», деп мәлімдеді Шымкент қаласының ПД баспасөз қызметі. 

Еске салайық, бұған дейін марқұмның ағасы күдікті жазадан жазадан жалтарып кете ме деп қауіптеніп жатқанын мәлімдеген еді. Ол қарындасын айуандықпен өлтірді деген Шерхан Аймаханның қазір тергеу изоляторында емес, емдеу мекемесінде жатқанын айтты.

Бұған дейін қоғамды қалыпты өмір сүріп келген жігіттің аяқ асты ақыл-есінде ақау барына күмәнмен қараған Сұлтан Серікбай іске президент әкімшілігі араласса деген үмітін білдірді.

Авторы: Назерке Еркінбекқызы. Шымкент қаласы.

Оқи отырыңыз:

• Нұрай ісі: Марқұмның ағасы желідегі бейнежазбаларға пікір білдірді
• Шымкентте аяусыздықпен ажал құшқан Нұрай Серікбайдың 40 күндік асы берілді
• «11 жеріне пышақ сұққан»: Шымкентте кісі қолынан қаза тапқан қыздың денесі туыстарына берілді