Назарбаев кеңсесін басқарып отырған Махмуд Қасымбековтің ұлы Астана әкімі болады

Назарбаев кеңсесін басқарып отырған Махмуд Қасымбектің ұлы Қарағанды облысының қазіргі әкімі Жеңіс Қасымбек Астана қаласының әкімі болып тағайындалады.

Бұл туралы дереккөздерге сілтеме жасап «YEDILOV ONLINE» мен РПУ «Данк» telegram-арналары хабарлайды.

«Кейбір дереккөздердің хабарлауынша, Жеңіс Қасымбек Астана қаласының әкімі болып тағайындалады. Ол 2019 жылдың қыркүйегінен бастап Қарағанды ​​облысының әкімі қызметін атқаруда» делінген хабарламада.

Ал басқа ақпарат көздерінің хабарлауынша, Қазақстан президенті Қасым-Жомарт Тоқаев өзінің ұлықтау рәсімінен кейін Астана қаласының жаңа әкімін таныстырады.

«Астана әкімінің ауысатыны туралы ақпаратты растаймыз. Жаңа әкімді президенттің өзі таныстырады» делінген хабарламада.

Елорданың қазіргі әкімі Алтай Көлгіновтің қай лауазымға тағайындалатыны айтылмаған.

Жеңіс Қасымбектің әкесі Махмуд Қасымбеков 2019 жылдың наурыз айынан бері ҚР тұңғыш президент кеңсесінің басшысы қызметін атқаруда. Ол 1990 жылдан бастап Қазақстан президентінің аппараты мен кеңсесінде түрлі қызметтер атқарып келеді.