Мемлекеттік рәміздер — ел егемендігінің басты нышаны

Қазақстан Республикасында Мемлекеттік рәміздер күні жыл сайын 4 маусымда аталып өтеді. Бұл маңызды мемлекеттік мереке 1992 жылы еліміздің жаңа Туы, Елтаңбасы және Әнұраны ресми түрде бекітілген тарихи күннің құрметіне арналған, деп хабарлайды Orda.kz.       

1992 жылғы 4 маусымда Қазақстанның мемлекеттік рәміздері бекітілді. Сондықтан бұл күн еліміздің тарихында Мемлекеттік рәміздер күні ретінде атап өтіледі.

Мемлекеттік рәміздер — мемлекеттің тәуелсіздігін білдіретін рәміздік белгілер. Мемлекеттік рәміздер - көк ту, елтаңба және әнұран.

Мемлекеттік рәміздер – ел дамуының ажырамас бөлігі. Сондықтан қазақстандықтардың осы рәміздерге деген құрметі, оларды бойтұмардай қастерлеуі ерекше сезіліп тұруы тиіс.

Рәміздер арқылы елімізді бүкіл әлем таниды. Өйткені онда қазақ халқының бастан өткізген тарихы, мәдениеті мен дәстүрі көрініс береді. Жастардың отансүйгіштік сезімін оятады, патриоттыққа үндейді, батылдыққа тәрбиелейді. 

Рәміздер балабақшаларда да, мектептерде де, жоғары оқу орындарында да, мемлекеттік мекемелердің ғимараттарында да көрнекті орындарға орналастырылған. Балабақша бүлдіршіндері оң қолының алақанын жүрек тұсына қойып «Менің Қазақстанымды» шырқағанда ерекше бір сезімге бөленетінің, жігерленіп қанаттанатының рас. Бұл ел болашағы – жастардың өз Отанын, өз жерін, өз елін қорғауға деген сезімін оятып, сенімін нығайтатыны анық.

«Музыкаға, өнер мен шығармашылыққа толы мерекелік кеш қала тұрғындары мен қонақтарына ерекше көңіл-күй сыйлап, ұлттық бірегейлік пен қоғамдық келісім құндылықтарын насихаттауға ықпал етеді», – дейді ұйымдастырушылар.

Ұйымдастырушылардың айтуынша, шара заманауи фестиваль форматында өтіп, бір алаңда әртүрлі буын өкілдерін біріктіреді.

Оқи отырыңыз:

• Димаш Құдайберген Ұлттық қауіпсіздік комитетінде не істеп жүр?
• «Рөлде қарындасым болған»: Жамбыл облысындағы полиция басшысының видеосы тарады
• Атыраудағы қырылған отбасы: Күдіктінің жұбайы қылмысқа қатысы жоқ деп танылды