Мемлекет басшысы Италия президентін Республика күнінің 80 жылдығымен құттықтады

Мемлекет басшысы Италия президентіне құттықтау жеделхатын жолдады. Қасым-Жомарт Тоқаев Серджо Маттарелла мен оның отандастарын ұлттық мереке – Республика күнінің 80 жылдығымен құттықтады, деп хабарлайды Orda.kz.       
 
Президент Қазақстан мен Италия арасындағы дәстүрлі достық пен өзара түсіністікке негізделген стратегиялық серіктестіктің ерекше маңызын атап өтіп, екі елдің сан қырлы ықпалдастығы алдағы уақытта да қарқынды дами беретініне сенім білдірді.
 
Қасым-Жомарт Тоқаев Серджо Маттарелланың жауапты мемлекеттік қызметіне толайым табыс, ал Италия халқына құт-береке тіледі.
 

Сонымен қатар мемлекет басшысы осы елдің ұлттық мерекесіне орай Италия министрлер кеңесінің төрағасы Джорджа Мелониге де құттықтау жеделхатын жолдады.

Оқи отырыңыз:

• Тоқаев: «Таза Қазақстан» тұжырымдамасын орындау – конституциялық міндет
• Президент елді «Айыппұлстан» деп атайтын депутаттарды сынады
• Қордай ауданында «Lexus» пен «Tank 500» көлігі соқтығысып, бір жүргізуші қаза тапты