Қордай ауданында Lexus пен Tank 500 көлігі соқтығысып, бір жүргізуші қаза тапты

Жамбыл облысындағы тас жолда болған жол-көлік оқиғасында көлік жүргізушісі қаза тапты. Жол апаты Жамбыл облысының Қордай ауданында Lexus және Tank 500 автокөліктерінің қатысуымен болған, деп хабарлайды Orda.kz.       

«Қордай ауданында болған жол-көлік оқиғасы салдарынан бірінші көліктің жүргізушісі қаза тапты, қылмыстық іс қозғалды. Алдын ала мәліметтерге сәйкес, Lexus автокөлігінің жүргізушісі жол жиегіндегі иілген металл қоршауға жанамалай соғылып, салдарынан көлік айналып кетіп, жолдың жүріс бөлігінде тоқтаған. Кейін Tank 500 көлігінің жүргізушісі тежеліп үлгермей, Lexus көлігімен соқтығысқан», - деп хабарлады облыстық полиция департаментінің баспасөз қызметі. 

Полиция қазіргі уақытта оқиғаның барлық мән-жайын анықтау үшін тергеу амалдары жүргізіліп жатқанын мәлімдеді.

Оқи отырыңыз:

• «Қазмырыш» зауытындағы жарылыс неден болған?
• Алматы вагон пайдалану депосының директоры ұсталып, оған қатысты тергеу басталды
• Қазақстан азаматы Қытайда адам өліміне әкелген төбелестен кейін ұсталды